البتنجان

السلام عليكم
انا طبعا عارف ان وضعى هنا مسخرة لكن معلش هاجى على نفسى عشان خاطر الستات المتزوجات و هكتبلكم اكتر من طريقة لعمل البتنجان المخلل الى بحبه

اولا هناك ثلاث طرق اعرفها لعمل البتنجان كل واحدة بطعم ختلف و ليها طريقة

اولا البتنجان بالتفتة

لمن لا يعرف التفتة هى مادة بودر ذات لون احمر تضاف للطعام غير الى بتتضاف للحنة و دى قليلة فى القاهرة و لن تجدوها الا عند محلات العطارة الكبيرة و متوفرة بكثرة فى مدن القناة لانها توضع على السمك ايضا

المكونات
كيلوا بتنجان من الرفيع ههههههههههه معرفش اسمه ايه اعزرونى انا مش ست بيت
حلة مليانة مية على قد البتنجان عشان نسلقه مهو مش معقول هنسلقه ببخار المية فتحوا معايا امال بلاش النومة الى انت فيها دى
ربع ملعقة شاى صغيرة فقط و ليس اكثر من التفتة و محدش يستقل بيها لان ربع معلقة تقدر تخلى نص البلد اهلاوية و تصبغهم فمحدش يكتر اكتر من ربع معلقة شاى صغيرة

طريقة التحضير

اولا غسل البازنجان و شقه من الجانب و بقول شقه لان انا عارف فى ستات اديها تقيلة مجرد شق صغير من الجنبين

سلق البازنجان نص سلقة و اوعى البتنجان يتهرى عاوزه نص سلق

بعد هذا المجهود الجبار و الدعاء لخروج البتنجان سالما من عملية السلق

نحضر برطمان زجاجى و نضع البازنجان فيه

نحضر ماء و نضع فيه التفتة و نضع ملح و ثوم و فلفل احمر حار مفروم كل هذا فى الماء و نقلب و نقلب حتى نزهق من التقليب و بمجرد ان نزهق نقوم بوضع الماء و التفتة و الكلام دا كله على البتنجان لحد ما يبقى مغطى بالكامل بالماء و تركه 3 ايام حتى يكتمل تخليله عرفتوا بقى ليه البتنجان نص سواء

الطريقة دى مبتجيبش حموضة عشان جوزك الى مبيحبش البتنجان و بيتلكك بالحموضة
و كمان بيفضل كتير فى التلاجة بدون ما يتغير طعمه او يبوظ


الطريقة الثانية

سلق البتنجان تماما و احضار خلطة من الثوم و التوابل حسب الطلب من فلفل اسود و ملح و كمون و شطة و فلفل اخضر و طحنها جيدا ثم ملئ البازنجان بها و تركه عدة ساعات حتى يمتص الملح و الثوم مع رشه بالليمون و الزيت و القليل من الخل
دى بقى الى بتجيب حموضة لكن ينفع ناكل البتنجان فى اى يوم اى انه ينفع ينحط فى الثلاجة لعدة ايام مما يسمح بعمل كمية للطوارئ و تركها فى الثلاجة


الطريقة الثالثة

شق البتنجان شق طولى و تحميره جيدا ثم نحضر الاتى

فلفل احمر مفروم و نضع عليه فصين ثوم مفيش ثوم كتير عشان برضه الحموضة و الثوم غالى و متعب فى تقشيره لان امثالى هما الى بيتدبسوا فى الحاجات الصعبة دى من تقشير ثوم و بصل

و نضع تلك الخلطة ايضا على البتنجان و نتركه ساعات ليكون جاهز للتقديم
و يجب اكل كل ذلك البتنجان فى نفس اليوم لانه لو دخل الثلاجة هيبقى غير صالح للاستخدام الادمى او غير الادمى لانه هيبقى زى الخشبة ههههههههههههه


طبعا انا عارف ان الموضوع ناقص صور لكن للاسف انا معنديش صور بتنجان خالص ههههه
ارجوا ان البتنجان يعجبكوا و لو معجبكوش ارموه و اشتروا جاهز اريح و اضمن و الصراحة انا مش عارف من غيرى كنتم عملتوا بتنجان ازاى
الكاتب ماما محمد


تحياتى